Ёдгорлик мажмуасида инсонийлик ва бағрикенглик руҳида, Биринчи Президент хақидаги ёруғ хотираларга бой тарзда кечган навбатдаги, ниҳоятда самимий учрашув хақида алоҳида тўхталмоқ жоиз.
Мажмуа Васийлик Кенгашининг аъзоси, Биринчи Президентнинг рафиқаси Татьяна Каримова, Мажмуа раҳбари, тарих фанлари доктори, профессор Темур Ширинов Оқсаройдаги Ислом Каримов номли кутубхонада рассом, ҳунарманд Нилуфар Ярматова, тарихчи Ориф Нортўраев ҳамда шоир Эркин Акромов билан узоқ суҳбат қурдилар.
Турли касб эгалари, тенгқур бўлмаган бу инсонларни бирлаштирган асосий сабаб – улар, ўзи туғилиб ўсган маскан Янгийўлни, янгийўлликларни улуғлаб, туманнинг бой тарихи, салоҳиятини беминнат тарғиб қилишдан ва бу йўлдаги изланишлардан чарчамайдиган чин ватанпарварлардир. Энг муҳими, мустақил давлатнинг асосчиси, одамларнинг эмин эркин ҳаёт кечириши, меҳнат ва ижод қилиши, севган касби билан шуғулланиши учун кенг имконятларни яратган инсондан чексиз миннатдорлик ҳисси билан яшаётган юртдошларимиздир.
 |
 |
 |
 |
 |
 |
Шубхасиз, Республика ҳунармандлари танловининг ғолиби, рассом Нилуфар Ярматова Ислом Каримовнинг портретини риштон лаганларига кўчираётганида айни шу туйғуларни ҳис қилиб ижод қилган. Бундан ташқари, Нилуфар Биринчи Президентнинг рафиқаси билан тушган сурати кўчирилган антиқа сопол лаганни ҳам шахсий совға сифатида тайёрлаб келган экан. Учрашувда меҳмонлар чуқур ҳурмат ила совғаларни Татьяна Акбаровнага тортиқ қилдилар.
Ориф Нортўраев: “Ислом Каримов ўз юртини ва халқини чексиз севган инсон сифатида хотирамизда қолади”, дея Биринчи Президентнинг Янгийўлга ташрифи билан боғлиқ воқеаларни ёдга олди.
Шоир бор жойда шеърхонлик бўлиши табиий. Эркин Акрамовнинг жўшқин кайфиятда ўқиб берган тўрт қатор шеъри барчанинг кайфиятини кўтариб юборди.
 |
 |
 |
 |
 |
 |
Учрашувдан эсдалик сифатида Татьяна Акбаровна томонидан ҳам меҳмонларга совғалар улашилди.
Мажмуага ташрифи давомида Янгийўллик меҳмонлар “Бутун оламни жо қилган қилган юрак” кўргазмасини катта қизиқиш билан томоша қилдилар.
Ф.Қурбанбаев, Т. Қурбанбаев фотосуратлари