ИСЛОМ КАРИМОВ ИЛМИЙ-МАЪРИФИЙ МАЖМУАСИ

Давлат ва жамият. 1993 йил


2 март. Ўзбекистон Республикаси Вазирлар Маҳкамаси "Наврўз умумхалқ байрамини нишонлаш тўғрисида" Қарор қабул қилди.

4 март. Ўзбекистон Республикаси Президенти Ислом Каримовнинг "Ўзбекистон Республикаси "Соғлом авлод учун" орденини таъсис этиш тўғрисида"ги Фармони эълон қилинди. Оналик ва болаликни муҳофаза қилиш, ёш авлод соғлиғини мустаҳкамлаш, уни маънавий, аҳлоқий, жисмоний жиҳатдан тарбиялаш, унга ўз Ватани - Ўзбекистонга бўлган меҳр-муҳаббат ва ватанпарварлик туйғусини сингдириш, шунингдек, болалар фаровонлиги йўлида меҳр-мурувват фаолиятини авж олдиришда фаол иштирок этишдаги алоҳида хизматларни рағбатлантириш мақсадида шу орден таъсис этилди.


23 апрель. Ўзбекистон Республикаси Президенти Ислом Каримов "Соғлом авлод учун" ноҳукумат Халқаро хайрия жамғармасини ташкил этиш тўғрисида" Фармон чиқарди.

12 сентябрь. Ўзбекистон Республикасининг Республика Олий Кенгаши ХIII сессиясида қабул қилинган "Лотин ёзувига асосланган ўзбек алифбосини жорий этиш тўғрисида"ги Қонун эълон қилинди.

16 сентябрь. Ўзбекистон Республикасининг Республика Олий Кенгаши ХIII сессиясида қабул қилинган "Ўзбекистон Республикаси Матбуот ва оммавий ахборот воситалари ходимлари кунини белгилаш тўғрисида"ги Қонуни эълон қилинди ва кучга киритилди. 27 июн шундай кун деб белгиланди.