Mamlakatimizning bosh bayrami – Mustaqillik ayyomi mudom bunyodkorlik ishlari bilan hamohang kechgan. Bu galgi bayram shukuhi Islom Karimov nomidagi ilmiy-ma’rifiy yodgorlik majmuasi hududini ham qamrab oldi.
Istiqlolimizning 35-yillik bayrami arafasida mustaqil davlat asoschisi uzoq yillar mehnat qilgan tarixiy maskanda ta’mirlash, obodonlashtirish va ko‘kalamzorlashtirish ishlari amalga oshirildi. Panjara va to‘siqlar olib tashlanib, piyodalar uchun yangidan yo‘laklar yotqizildi.
“2026-yil avgust oyidan e’tiboran “Oqsaroy” qarorgohini o‘rab turgan panjaralar olib tashlanib, majmua hududidagi bog‘ aholining erkin sayil qilishi uchun ochildi”. Kiraverishda o‘rnatilgan barelyefdagi bu yozuv yurtdoshlarimizni emin-erkin sayr uchun taklif qiladi.

Mustaqil O‘zbekistonning shakllanishi va taraqqiyoti, Birinchi Prezident faoliyati haqida hikoya qiluvchi “Butun olamni jo qilgan yurak” ko‘rgazmasi ham o‘z ishini avvalgidek davom ettiradi.
“Oqsaroy” qarorgohiga xush kelibsiz!

T.Qurbonboyev fotosuratlari