ISLOM KARIMOV ILMIY-MA’RIFIY MAJMUASI

Rahbariyat


 

Majmua rahbari - Temir Shirinov

1950 yil 10 martda Jizzax viloyati Forish tumanida tug‘ilgan. Ma’lumoti oliy. 1972 yilda Termiz Davlat pedagogika institutini tarixchi-arxeolog mutaxassisligi bo‘yicha tamomlagan, tarix fanlari doktori, professor. Temuriylar tarixi va madaniyatini o‘rganish Assotsiatsiyasi (Fransiya) Vitse-prezidenti Germaniya arxeologiya Instituti haqiqiy a’zosi, Tokio Soko Universiteti (Yaponiya) oliy mukofoti sovrindori, Varshava (Polsha) universiteti Oltin medali sohibi.

«Mehnat shuhrati» ordeni bilan mukofotlangan, “Fan arbobi” faxriy unvoniga sazovor bo‘lgan.

Mehnat faoliyatini 1972 yilda O‘zbekiston Respublikasi Fanlar akademiyasi Arxeologiya institutida laborant lavozimidan boshlagan. 1976-1979 yillarda SSSR Fanlar akademiyasi Arxeologiya instituti Leningrad bo‘limining aspiranturasida tahsil olgan. 1979-1989 yillarda O‘zbekiston Respublikasi Fanlar akademiyasi Arxeologiya institutida kichik, katta ilmiy xodim lavozimlarida ishlagan.

1989-1992 yillarda Rossiya Federatsiyasi Fanlar akademiyasi Arxeologiya instituti doktoranturasida o‘qigan.

1993-2004 yillarda O‘zbekiston Respublikasi Fanlar akademiyasi Arxeologiya instituti direktori lavozimida faoliyat ko‘rsatgan.

2004 yildan 2011 yilga qadar Samarqand davlat universiteti rektori, 2011-2013 yillarda O‘zbekiston Respublikasi Xalq ta’limi vaziri, 2013 yildan 2016 yilga qadar Toshkent davlat pediatriya tibbiyot instituti «O‘zbekiston tarixi, ma’naviyat, sotsiologiya va madaniyat asoslari” kafedrasi mudiri lavozimlarida mehnat faoliyatini davom ettirgan.

2001 yilda O‘zbekiston Respublikasi Markaziy saylov komissiyasi a’zoligiga saylangan. 2016-2017 yillarda O‘zbekiston Respublikasi Markaziy saylov komissiyasining doimiy asosda ishlovchi a’zosi lavozimida faoliyat ko‘rsatgan.

2017 yildan - O‘zbekiston Respublikasi Prezidenti huzuridagi O‘zbekiston Respublikasining Birinchi Prezidenti Islom Karimov nomidagi Ilmiy-ma’rifiy memorial majmua rahbari.

Oilali, ikki nafar farzandi va nabiralari bor.

 

 

 

 

 

 Majmua rahbarining moliya-xo‘jalik faoliyat bo‘yicha o‘rinbosari –Ro‘ziqulov Baxtiyor Eshboyevich

1951 yil 16 martda Qashqadaryo viloyati Qarshi shahrida tug‘ilgan. Ma’lumoti – oliy, mutaxassisligi – iqtisodchi, 1973 yilda Toshkent xalq xo‘jaligi institutini, 1985 yilda Toshkent oliy partiya maktabini tugatgan.
Mehnat faoliyatini 1973 yilda Qashqadaryo viloyati “Qarshi qurilish” birlashmasi muhandisligidan boshlagan. 1975-79 yillarda – o‘sha paytdagi Qashqadaryo viloyati komsomol qo‘mitasi bo‘lim boshlig‘i, 1979-80 yillarda viloyat ijroiya qo‘mitasi, 1980-87 yillarda Bahoriston tumani va Qashqadaryo viloyat partiya qo‘mitasi yo‘riqchisi vazifalarida ishlagan.
1987-91 yillarda O‘zbekiston kompartiyasi Markaziy qo‘mitasida instruktor va moliya sho‘basi mudiri, 1991-93 yillar davomida esa Qarshqadaryo viloyat moliya boshqarmasi narxlash bo‘limi boshlig‘i sifatida faoliyat yuritgan.
1993-2019 yillar davomida O‘zbekiston Respublikasi Prezidenti devonining Ishlar boshqarmasi moliya sho‘basi mudiri lavozimida ishlagan.
2023 yildan bugungi kunga qadar – O‘zbekiston Respublikasi Prezidenti huzuridagi O‘zbekiston Respublikasining Birinchi Prezidenti Islom Karimov nomidagi Ilmiy-ma’rifiy yodgorlik majmuasi rahbarining moliya-xo‘jalik faoliyat bo‘yicha o‘rinbosari lavozimida faoliyat ko‘rsatmoqda.
“O‘zbekiston Respublikasi Mustaqilligining 15 yilligi” ko‘krak nishoni bilan taqdirlangan.
Oilali, 3 nafar farzandi va nabiralari bor.

 

 

Majmua rahbarining ilmiy-ijodiy faoliyat bo‘yicha o‘rinbosari –Tursunova Sevar Jalilovna

1957 yil 25 aprelda Toshkent shahrida tug‘ilgan. Ma’lumoti – oliy, 1978 yilda Toshkent Davlat madaniyat institutini madaniy-oqartuv mutaxassisligi bo‘yicha tugatgan.
Mehnat faoliyatini 1978 yilda O‘zbekiston teleradiokompaniyasida – oliy toifali diktorlikdan boshlagan. Televideniye tizimida uzoq yillar davomida – muharrir, siyosiy sharhlovchi, bo‘lim mudiri, “Axborot” direksiyasi rahbarining o‘rinbosari sifatida faoliyat ko‘rsatgan.
1998-2000 yillarda – Vazirlar Mahkamasida, Bosh vazir matbuot xizmati yetakchi mutaxassisi bo‘lib ishlagach, faoliyatini yana televideniye sohasida davom ettirib, 2000-2011 yillarda – siyosiy sharhlovchi, “Axborot” bosh muharririyati bosh muharrir o‘rinbosari vazifalarida mehnat qilgan.
2011-2015 yillarda O‘zbekiston Respublikasi Prezidentining Matbuot kotibi o‘rinbosari – davlat maslahatchisining o‘rinbosari lavozimida ishlagan.
2018 yildan boshlab O‘zbekiston Respublikasi Prezidenti huzuridagi O‘zbekiston Respublikasining Birinchi Prezidenti Islom Karimov nomidagi Ilmiy-ma’rifiy yodgorlik majmuasida – matbuot kotibi, bosh ilmiy xodim vazifalarida, hozirgi kunda esa markaz rahbarining ilmiy-ijodiy faoliyat bo‘yicha o‘rinbosari lavozimida ishlab kelmoqda.
“O‘zbekiston Respublikasida xizmat ko‘rsatgan madaniyat xodimi” faxriy unvoni hamda “Mehnat shuhrati” ordeni bilan taqdirlangan.
Oilali, 3 nafar farzandi va nabiralari bor.