ИСЛОМ КАРИМОВ ИЛМИЙ-МАЪРИФИЙ МАЖМУАСИ

Раҳбарият


 

 

Мажмуа раҳбари – Темир Ширинов

1950 йил 10 мартда Жиззах вилояти Фориш туманида туғилган. Маълумоти олий. 1972 йилда Термиз Давлат педагогика институтини тарихчи-археолог мутахассислиги бўйича тамомлаган, тарих фанлари доктори, профессор.  Темурийлар тарихи ва маданиятини ўрганиш Ассоциацияси (Франция) Вице–президенти  Германия археология Институти ҳақиқий аъзоси, Токио Соко Университети (Япония) олий мукофоти совриндори, Варшава (Польша) университети Олтин медали соҳиби. 

«Меҳнат шуҳрати» ордени билан мукофотланган, “Фан арбоби” фахрий унвонига сазовор бўлган.  

Меҳнат фаолиятини 1972 йилда Ўзбекистон Республикаси Фанлар академияси Археология институтида лаборант лавозимидан бошлаган.    1976–1979 йилларда СССР Фанлар академияси Археология институти Ленинград бўлимининг аспирантурасида таҳсил олган.  1979–1989 йилларда Ўзбекистон Республикаси Фанлар академияси Археология институтида кичик, катта илмий ходим лавозимларида ишлаган.   

1989–1992 йилларда Россия Федерацияси Фанлар академияси Археология   институти докторантурасида ўқиган.

1993–2004 йилларда Ўзбекистон Республикаси Фанлар академияси Археология институти директори лавозимида фаолият кўрсатган.

2004 йилдан 2011 йилга қадар Самарқанд давлат университети ректори, 2011–2013 йилларда Ўзбекистон Республикаси Халқ таълими вазири, 2013 йилдан 2016 йилга қадар   Тошкент давлат педиатрия тиббиёт институти «Ўзбекистон тарихи, маънавият, социология ва маданият асослари” кафедраси мудири лавозимларида меҳнат фаолиятини давом эттирган.

2001 йилда Ўзбекистон Республикаси Марказий сайлов комиссияси аъзолигига сайланган. 2016–2017 йилларда Ўзбекистон Республикаси Марказий сайлов комиссиясининг доимий асосда ишловчи аъзоси лавозимида фаолият кўрсатган.  

2017 йилдан  –  Ўзбекистон Республикаси Президенти ҳузуридаги Ўзбекистон Республикасининг Биринчи Президенти Ислом Каримов номидаги Илмий-маърифий мемориал мажмуа раҳбари.

Оилали, икки нафар фарзанди ва набиралари бор.

 

 

 

  

 Мажмуа раҳбарининг молия-хўжалик фаолият бўйича ўринбосари –Рўзиқулов Бахтиёр Эшбоевич

1951 йил 16 мартда Қашқадарё вилояти Қарши шаҳрида туғилган. Маълумоти – олий, мутахассислиги – иқтисодчи, 1973 йилда Тошкент халқ хўжалиги институтини, 1985 йилда Тошкент олий партия мактабини тугатган.

Меҳнат фаолиятини 1973 йилда Қашқадарё вилояти “Қарши қурилиш” бирлашмаси муҳандислигидан бошлаган. 1975-79 йилларда – ўша пайтдаги Қашқадарё вилояти комсомол қўмитаси бўлим бошлиғи, 1979-80 йилларда вилоят ижроия қўмитаси, 1980-87 йилларда Баҳористон тумани ва Қашқадарё вилоят партия қўмитаси йўриқчиси вазифаларида ишлаган.

1987-91 йилларда Ўзбекистон компартияси Марказий қўмитасида инструктор ва молия шўъбаси мудири, 1991-93 йиллар давомида эса Қаршқадарё вилоят молия бошқармаси нархлаш бўлими бошлиғи сифатида фаолият юритган.

1993-2019 йиллар давомида Ўзбекистон Республикаси Президенти девонининг Ишлар бошқармаси молия шўъбаси мудири лавозимида ишлаган.

2023 йилдан бугунги кунга қадар – Ўзбекистон Республикаси Президенти ҳузуридаги Ўзбекистон Республикасининг Биринчи Президенти Ислом Каримов номидаги Илмий-маърифий ёдгорлик мажмуаси раҳбарининг молия-хўжалик фаолият бўйича ўринбосари лавозимида фаолият кўрсатмоқда.

“Ўзбекистон Республикаси Мустақиллигининг 15 йиллиги” кўкрак нишони билан тақдирланган.

Оилали, 3 нафар фарзанди ва набиралари бор.

 

 

 

 

 

Мажмуа раҳбарининг илмий-ижодий фаолият бўйича ўринбосари –Турсунова Севар Жалиловна

1957 йил 25 апрелда Тошкент шаҳрида туғилган. Маълумоти – олий, 1978 йилда Тошкент Давлат маданият институтини маданий-оқартув мутахассислиги бўйича тугатган.

Меҳнат фаолиятини 1978 йилда Ўзбекистон телерадиокомпаниясида – олий тоифали дикторликдан бошлаган. Телевидение тизимида узоқ йиллар давомида – муҳаррир, сиёсий шарҳловчи, бўлим мудири, “Ахборот” дирекцияси раҳбарининг ўринбосари сифатида фаолият кўрсатган.

1998-2000 йилларда – Вазирлар Маҳкамасида, Бош вазир матбуот хизмати етакчи мутахассиси бўлиб ишлагач, фаолиятини яна телевидение соҳасида давом эттириб, 2000-2011 йилларда – сиёсий шарҳловчи, “Ахборот” бош муҳарририяти бош муҳаррир ўринбосари вазифаларида меҳнат қилган.

2011-2015 йилларда Ўзбекистон Республикаси Президентининг Матбуот котиби ўринбосари – давлат маслаҳатчисининг ўринбосари лавозимида ишлаган.

2018 йилдан бошлаб Ўзбекистон Республикаси Президенти ҳузуридаги Ўзбекистон Республикасининг Биринчи Президенти Ислом Каримов номидаги Илмий-маърифий ёдгорлик мажмуасида – матбуот котиби, бош илмий ходим вазифаларида, ҳозирги кунда эса марказ раҳбарининг илмий-ижодий фаолият бўйича ўринбосари лавозимида ишлаб келмоқда.

“Ўзбекистон Республикасида хизмат кўрсатган маданият ходими” фахрий унвони ҳамда “Меҳнат шуҳрати” ордени билан тақдирланган.

Оилали, 3 нафар фарзанди ва набиралари бор.