AQShning Alentaun shahridan Toshkentga kelgan mehmonlar ikki kunlik tashrif davomida hamkorlik munosabatlarini rivojlantirish bo‘yicha ikki tomonlama muzokaralar o‘tkazib, poytaxtimizning diqqatga sazovor joylarini ko‘zdan kechirdilar.

Kompaniya faoliyatining asosiy yo‘nalishlari: neftni qayta ishlash, neft-kimyo, metallurgiya, elektron sanoati va oziq-ovqat ishlab chiqarish.

Dunyoda sanoat gazlari ishlab chiqaruvchilari qatorida yetakchi o‘rinni egallab turgan “Air Products & Chemical” kompaniyasi vakillari O‘zbekiston bilan neft-gaz sohasida hamkorlik aloqalarini kengaytirish tarafdori.

Yurtimizga tashrifi doirasida Kompaniya raisi, prezidenti va bosh direktori janob Seifi Gasemi boshchiligidagi delegatsiya a’zolari Islom Karimov nomidagi ilmiy-ma’rifiy Yodgorlik majmuasini ziyorat qildilar. O‘zbekistonning Birinchi Prezidenti haykali poyiga gullar qo‘yib, uning xotirasini hurmat bilan yodga oldilar.